| 十一月七日 連續四星期的HAECO生活要完結了。在這最後的一天，十三谷去了大尾督BBQ。 由HAESL去大尾督坐了Lewis的電單車，真的好好玩！開頭坐驚過過山車，但慣了後便覺得很安全。在吐露港以超過100km/hr飛馳，用身體去感受風阻，很特別的感覺。 大尾督BBQ都幾方便，六、七十蚊全包。又幾好食，最重要係方便！ 回程坐了阿倫的小福星。雖然有4個轆，開始時覺得好安全，但坐了一陣後便感到不妙了...很強的加速度、離心力、放氣嘩佬...160km/hr真的很快！ |
| |
| 十月十九日 在Facebook join 了循理小學的group，突然很懷念自己的童年...
於是從一大堆雜物中找回自己的膠寶箱，看了自己小學時的中文作文、紀念冊、相片...
想起很多很多 在一堆玩具與雜物中突然看見了幾份發黃的報紙
(跟小學作文的intro一樣...-_-" 真的長大了...)
竟然是1998年7月6日，赤鱲角機場啟用時的報紙，想不到自己留了下來，完全忘記了...
很像一份禮物從天而降，一份準備了十年、能讓我細味的禮物，很開心...
 
還有五年前的大新聞~~
 |
| |
| 九月二十六日 兩個月沒有update了... Rotate了兩個月，今個星期終於有堂上！重拾學生的感覺，上堂睡覺的感覺真好...
上左個Basic gas turbine既course，個阿sir真係king of sound effect，咩聲都有得扮，好正！ 上星期買左部PS3，雖然沒有時間玩，又很貴... 但是我認為，人生中第一份糧，無論如何都要將童年時一直嚮往的東西買回來！ 九月二十五日 晚餐的相片 R66 - 美味的風景 
|
| |
| 八月五日 冗員的生活 繼續沒有位坐、沒有電腦用，但又有login name、password、email address... 尋日定左未來十個星期的schedule，今日第一日落shop train。
第一站 - Cleaning
全日都企o係度睇D師傅點洗parts...咩打沙、浸缸，將D parts洗白白
感覺上呢個shop係全Haesl最慘既位...明明係做飛機維修，但係做既野同洗碗阿姐無乜分別
我見入面D師傅好多都係做左十幾廿年，真係好佩服佢地敬業樂業...比著我o係度做成世...傻都似....
今日都試過自己打沙，好得意，parts上面既painting輕易地打甩晒。D師傅都好好人，有問必答又有笑容。感覺有D似返返田灣training，學用機器，不過D機器全部都好似放大晒咁，田灣o個D變到好似玩具... 返左三日工...每日都六點起身，返工，放工，訓覺...呢個循環令我腦入面只有engine呢個字...
唔知過多幾個月會點呢... |
| |
| 八月一日 第一天上班 早上六點起床，真的很不習慣這麼早。全日在公司都沒有事做，只是整天聽著HR的講解，講解EGT programme，講解怎樣請假等，還有帶著我周圍去認識一下未來的Tutor。沒事做時便和另一位EGT吹水。時間過得很快，五點放工。放工便搭第一次的公司車，都是冠忠的，都是很快...由將軍澳工業村到太子，只是20分鐘的車程...相信未來可以六點前回到家中... 期待下一星期，期待將會做的工作。 P.S. Canteen竟然係大家樂！！！又回到SU Can的日子..... =_= |
| |
